Joriy yilning 4 martida O'zbekiston Respublikasi Adliya vazirligi tomonidan Markaziy bank boshqaruvining “Banklarning depozit (omonat) sertifikatlarini chiqarish va muomalada bo'lish tartibi to'g’risidagi nizomga o'zgartirish va qo’shimchalar kiritish haqida”gi qarori davlat ro'yhatidan o'tkazildi (ro'yhat № 1859, 24.09.2008 y.).

Nizomning 5-bandi sertifikatlar oldi-sotdi, hadya qilish, meros qilib olish, ustav kapitaliga kiritish va egasi almashuviga olib keladigan boshqa bitimlarda, shuningdek garovda bitim ob'ekti bo'lishi mumkinligi haqida qo’shimcha kiritildi.

Banklar bevosita o'zlari yoki boshqa banklar tomonidan joylashtirilgan sertifikatlar bilan ta'minlangan kredit ajratishga haqliligi haqida Nizom 5¹-band bilan to'ldirildi.

Bundan tashqari, Nizom banklar tomonidan sertifikatga oid axborotlar O'zbekiston Respublikasining «Qimmatli qog’ozlar bozori to'g’risida»gi Qonuni va Vazirlar Mahkamasining 2014 yil 2 iyuldagi 176-sonli Qarori bilan tasdiqlangan aksiyadorlik jamiyatlarining korporativ veb-saytlariga qo'yiladigan talablar to'g’risidagi nizom talablariga muvofiq oshkor qilinishi haqida 8¹-band bilan to'ldirildi.

http://www.csm.gov.uz/